Bakıda ultramüasir dayanacaq

Bakıda yeni avtobus dayanacağı tikilib. Müasir dayanacaq Binəqədi rayonu ərazisində, Sulutəpə qəsəbəsindədir.

Dayanacaq piramida formasındadır. Onun yaxınlığında kiçik keçid və taxta hasar da quraşdırılıb.

Qeyd edək ki, Bakıda avtobus dayanacaqları yenilənir. Ötən ay paytaxtda 10 yeni avtobus dayanacağı quraşdırılmışdı. Yeni dayanacaqlar Mərdəkan-Buzovna magistral yolunda qoyulub.

Nazirlik paytaxtın müxtəlif yerlərində yeni avtobus dayanacaqlarının quraşdırılması prosesi davam edəcəyi barədə bildirib.