Özünə gələn Araz Musayev Adil Əliyevi ona hücumu təşkil etməkdə suçlayıb

Dünən sui-qəsdə məruz qalan Azərbaycan Muay-Tay Federasiyasının prezidenti, 9 qat dünya çempionu Araz Musayev özünə gəlib.

 Araz Musayev Unikal.az-a açıqlama verərək Kinboksinq Federasiyasının rəhbərliyini, yəni Adil Əliyevi ona sui-qəsd təşkil etməkdə suçlayıb:

– Azər Həsənsoy və Elşən Abdulrəhimov ezam olunmuşdular ki, burada federasiyanı məndən alsınlar. Gəldilər, burada da mümkün olmadı. Əksinə, Kikboksinq Federasiyası dünya tərəfindən mənim nəzarətimə verildi. Ondan sonra istədilər dava salsınlar, gördülər alınmır. Ondan sonra killer göndərib məni vurdular.

– Ötən gün axşam əməliyyat olunmuşam. Vəziyyətim orta-ağırdır. Bu federasiyaya dəstək verən Gənclər və İdman Nazirliyinin şöbə müdiri Elnur Məmmədovdur. Türkiyə polisi Azər Həsənsoyla Elşən Abdulrəhimovu saxlayıb. Hadisəni törədənlər Rusiyadan göndərilən adamlardır. Mən də buna hazırlıqlı idim.