“ABŞ Qarabağın azad olunmasına əngəl törətməyəcək”

“Amerikanın Azərbaycandakı səfiri Robert Sekutanın fəaliyyəti təqdirəlayiqdir”.

Axar.az xəbər verir ki, bu haqda “Atlas” Araşdırmalar Mərkəzinin rəhbəri Elxan Şahinoğlu açıqlama verib. Politoloq səfirin Azərbaycandakı fəaliyyətinə diqqət çəkərək önəmli məqamlara toxunub:

“Səfirin bir günü boş deyil, nazirlərlə görüşür, konfranslarda çıxış edir, enerji və təhlükəsizlik sahəsində zəruri açıqlamalar verir. Enerji sahəsi: Bakı Neft-Qaz Emalı və Neft Kimyası Kompleksinin inşasının idarə olunmasının ABŞ şirkətinə həvalə olunması Sekutanın fəaliyyətinə başladığı günlərə təsadüf etdi. Təhlükəsizlik sahəsi: Sekuta Azərbaycan pilotları ilə görüşdü. Ən maraqlısı odur ki, görüşdə pilotların Azərbaycanın müdafiəsi uğrunda xidmətləri və ikitərəfli münasibətlərin gücləndirilməsi yolları müzakirə edildi. Fikrimcə, bu görüşü bu cür də qiymətləndirmək olar: Vaşinqton Azərbaycan ordusunun Dağlıq Qarabağ ətrafındakı rayonlarının azad olunmasına əngəl törətməyəcək”.