Hərbi ekspert Ədalət Verdiyev Sərsəng su anbarı barədə mühüm açıqlamalar verib.

Ədalət Verdiyev bildirib ki, Sərsəng su anbarının boşaldılması böyük fəlakətlər vəd edir:

"Su anbarının boşaldılması bənd divarında çatlar əmələ gətirəcək. Su quruduqca böyük çatlar əmələ gətirir. Bəndlər dağılsa, bunun fəsadları böyük ola bilər. Azərbaycanın 6 rayonu su altında qalar. Bu fəlakətin qarşısını almalıyıq".

Maraqlıdır, Sərsəng su anbarı rayonlar üçün təhlükə yarada bilər?

AMEA-nın Coğrafiya İnstitutunun şöbə müdiri Ənvər Əliyev Cebhe.info-ya açıqlamasında bildirib ki, anbarda su tamamilə azalıb:

“Sərsəng su anbarında su yoxdur, çox hissəsi qurudulub. Əgər tamamilə qurudulsa, əkin sahələri susuz qalacaq, nəinki rayonlar su altında qalacaq. Bu anbarın onsuz da problemi var. 30 ildir ki, bu anbarda monitorinq aparılmayıb. Artıq burada monitorinq aparılmalıdır. Son məlumatlara görə də, anbarda su tamamilə azalıb. Belə olan halda hansı subasmadan danışmaq olar? İndi niyə bunu boşaldırlar? Sərsəng strateji cəhətdən hər iki dövlət üçün əhəmiyyətlidir. Buna görə də qorunmalıdır. Orada yarım milyardlıq su ehtiyatı qoruna bilər”.

Naibə
Cebhe.info