İnsanlar hər an zəlzələ olacağını düşnür, ehtiyat tədbirləri görürlər.

Onun sözlərinə görə, belə dəhşətli zəlzələlər nadir hallarda olur:

"Təbii ki, bu hadisənin insan psixologiyasına təsiri, müxtəlif insanların buna reaksiya verməsi normaldır. Burada məlumatlandırmanın böyük rolu var. Əhalini zəlzələ ilə bağlı məlumatlandırmaq lazımdır. Vəziyyətlə bağlı detallı, ətraflı izahat verilməlidir. Türkiyədə dəhşətli zəlzələnin baş verməsi o demək deyil ki, bu, bizdə də ola bilər. AzTV ötən gün bunu etdi. Mütəxəssislər çıxış etdilər. Bildirdilər ki, Azərbaycanda belə bir təhlükə gözlənilmir. Onları dinləmək lazımdır. Təbiətdə belə hadisələr ola bilər. Geoseysmik, aktiv zonada yaşayırıq. İnsanlar kiçik təkanlarla bağlı məlumatlandırılmalıdır ki, həyəcan keçirməsinlər, fobiya əmələ gəlməsin. Təbliğat işi aparılmalıdır. Bu cür hallara hazır olmaq lazımdır".

"Bu sahədə çalışan insanlar məsləhət verməlidir. Zəlzələ baş verərkən nə etmək lazım olduğunu bilmək və ehtiyat tədbirləri görmək yaxşı haldır. Mənim yadımdadır ki, 2002-ci ildə zəlzələ olanda Azərbaycanda bu haqda çox məlumatlar verirdilər. Bəzən görürsən qorxu insanın iradəsinə pis təsir etdiyindən ağlabatan addımlar edə bilmir. Mənə elə gəlir ki, bir müddət keçəndən sonra zəlzələnin emosional təsiri tarazlaşacaq. İnsanlar hadisəyə daha düşüncəli yanaşacaqlar".

“Türk xalqına dəstək, onun dərdinə şərik olmaqla psixoloji gərgin vəziyyətdən uzaqlaşa bilərik. Onların acısını yüngülləşdirməklə bizim özümüz də yüngülləşəcək, mənəvi rahatlıq hiss edəcik. Bununla da qorxu hissi keçirməyə vaxtımız az qalacaq”.