77 yaşlı kişi bacısı qızını iş yerində öldürdü

Gəncə şəhərində qətl hadisəsi törədilib. Hadisə bu gün - aprelin 10-da saat 13 radələrində qeydə alınıb.

Gəncə şəhər 4 saylı Enerji Təchizat Stansiyasında işləyən 1968-ci il təvəllüdlü Kifayət Əmir qızı Əhmədova iş yerində dayısı, 1938-ci il təvəllüdlü Qəzənfər İsaq oğlu İsgəndərov tərəfindən bıçaqlanıb. Yaralı dərhal Gəncə şəhər Təcili Tibbi Yardım Xəstəxanasına çatdırılsa da, onu xilas etmək mümkün olmayıb.

Faktla bağlı hüquq-mühafizə orqanlarında araşdırma aparılır (APA).