Çində kömür mədənində 24 fəhlə diri-diri yanaraq öldü

Çinin şimal-şərqindəki Lyaonin əyalətində yerləşən kömür mədənində baş vermiş yanğın nəticəsində 24 nəfər ölüb, 52 nəfər xəsarət alıb. APA-nın “BBC”-yə istinadən verdiyi xəbərə görə, baş vermiş kiçik zəlzələ nəticəsində yaranmış qığılcımlar şaxtada kömür tozunun alışmasına səbəb olub.

Qeyd edək ki, 2013-cü ilə Çinin şaxtalarında baş vermiş 604 insident nəticəsində 1064 nəfər ölüb.