İsrail anti-İŞİD koalisiyasına qoşulmayacaq

İsrail İŞİD terror qruplaşmasına qarşı beynəlxalq koalisiyaya qoşulmaq niyyətində deyil, ancaq koalisiyaya formal dəstək verməyə hazırdır. Musavat.com-unn məlumatına görə, bu barədə Moskvadakı İsrail diplomatik missiya başçısının müavini Olqa Slov açıqlama verib.

“Bu problem mövcuddur və biz əlbəttə ki, bütün bunları diqqətlə izləyirik. Ancaq qarışmırıq, çünki bu, hadisələrin yaşandığı ölkələrin daxili işidir. Bizim müdaxiləmiz kontur-produktiv olardı”, - deyə diplomat vurğulayıb. Bununla belə, o, ölkəsinin koalisiya qüvvələrinə qeyri-formal kömək etməyə hazır olduğunu da bildirib. “Biz nə ilə mümkündür yardımçı olacağıq, ancaq hərbi planda yox” - əlavə edib İsrail rəsmisi.