“Bir aydır, internetsiz qalmışıq, bizi cana-boğaza yığıblar"

Xəzər rayonu Qala qəsəbə sakini Orxan Bahadursoy Rabitə və Yüksək Texnologiyalar naziri Əli Abbasova müraciət edib.


Sakin göndərdiyi müraciətində yaşadığı qəsəbədə internetin olmamasından şikayətlənib:

“Bir aydır ki, internetsiz qalmışıq. Aztelekom İstehsalat Birliyinin əməkdaşları bizi cana-boğaza yığıblar. Bir neçə dəfə də təmir adıyla gəliblər və nəticədə xəttimiz tamamilə kəsilib. Bizi hər dəfəsində “bir saatdan sonra internetiniz gələcək” deyib aldadırlar”.

Problemlə bağlı “Qafqazinfo” RYT-nin müşaviri Müşfiq Əmirovla əlaqə saxlayıb. O bildirib ki, sakinlərin müraciəti araşdırılacaq.