"Bu il 35 minə yaxın müəllimin sertifikasiya imtahanına cəlb edilməsi nəzərdə tutulur. Bu il ibtidai sinif üzrə yerdə qalan regionlar, eləcə də ölkə üzrə Azərbaycan dili və ədəbiyyat fənni üzrə müəllimlərin biliyi yoxlanılacaq".

Cebhe.info xəbər verir ki, bunu elm və təhsil naziri Emin Əmrullayev keçirdiyi brifinqdə deyib.

Nazirin sözlərinə görə,  proses bu il oxşar qaydada aparılacaq:

"Ötənilki imtahanları təhlil edərək qənaətə gəlmişik ki, bütün fənlər üzrə əlavə 30 dəqiqə də vaxt verilsin. İmtahanın müddəti 2 saat 30 dəqiqə olaraq müəyyən ediləcək. Ümumilikdə 100 bal olacaq. Yeni qaydalar qüvvəyə minməsə də artıq bəzi qaydalar dəqiqdir".

Xatırladaq ki, sertifikasiyaya cəlb edilən müəllimlər sosial şəbkələrdə sualların çətinliyi ilə yanaşı, vaxt azlığından da şikayət edirdilər.

Cebhe.info