Rusiya sülhməramlı kontingentinin komandanı, general-polkovnik Lentsovun Bakıda apardığı müzakirələr heç bir nəticə verməyib. 

Cebhe.info xəbər verir ki, bu barədə Xankəndidəki separatçı rejimin  “dövlət naziri” Qurgen Nersisyan öz “Facebook” səhifəsində yazıb.

O bildirib ki, general-polkovnik A.Lentsovun rəhbərlik etdiyi Rusiya sülhməramlı kontingentinin komandanlığı bu həftə Bakıda olub və Azərbaycan tərəfi ilə vəziyyəti müzakirə edib:

“Müzakirələrin nəticələrinə əsasən, 9 noyabr 2020-ci il tarixli üçtərəfli Bəyanatda nəzərdə tutulan şərtlərin dəyişdirilməsi və bərpası ilə bağlı razılığa gəlmək mümkün olmayıb. Ən qısa zamanda yeni görüş planlaşdırılır, onun nəticələri barədə əlavə məlumat verəcəyik”. 

Xatırladaq ki, Lentsov Laçında qoyulmuş buraxılış məntəqəsi barədə müzakirə aparıb.

Xəzər
Cebhe.info